මහනුවර - යාපනය ඒ‍ - 9 මාර්ගයේ අකුරණ - 7 කණුව, කුරුගොඩ මංසන්ධියේදී අද (19) පෙරවරුවේ සිමෙන්ති පැටවූ ලොරි රථයක් හා තවත් වාහන කිහිපයක ගැටී සිදුවූ රිය අනතුරකින් බරපතල තුවාල ලැබූ පුද්ගලයින් 6 දෙනකු රෝහල්ගත කර ඇතැයි අලවතුගොඩ පොලිසිය පවසනවා.පොලිසිය සඳහන් කළේ, මෙම දරුණු රිය අනතුරින් වාහන 10කට ආසන්න ප්‍රමාණයකට හානි වී ඇති බවයි.මෙම අනතුරින් ත්‍රි‍රෝද රථයක් සහ තවත් රථයක් මුළුමනින්ම විනාශ වී ඇති අතර, යතුරුපැදියක් ගිනි ගෙන ඇති බවට තොරතුරු වාර්තා වෙනවා. මේ වන විට එම ප්‍රදේශයේ ජනතාව විශාල පිරිසක් එම ස්ථානයට පැමිණ ඇති බව අප වාර්තාකරුවන් සඳහන් කළා.