කළු ගඟ ද්‍රෝණියේ ධාරා ප්‍රදේශවලට සැලකිය යුතු වර්ෂාපතනයක් ලැබෙමින් පැවතීම හේතුවෙන් ඉදිරි පැය 24 තුළ එම ගංගා ධ්‍රෝණියේ පහත්බිම් ප්‍රදේශ කිහිපයකට සුළු ගංවතුර තත්ත්වයක් ඇතිවිය හැකි බවට වාරිමාර්ග දෙපාර්තමේන්තුව අනතුරු අඟවනවා.අද (26) පෙ.ව 11.30ට නිකුත් කරන ලද නවතම ගංවතුර අනතුරු ඇඟවීමේ නිවේදනය හෙට (27) පෙ.ව 11.30 දක්වා වලංගු වන අතර, සුළු ගංවතුර තත්ත්වයක් ඇති විය හැකි ප්‍රදේශ ලෙස, රත්නපුර දිස්ත්‍රික්කය: පැල්මඩුල්ල, නිවිතිගල, රත්නපුර, කුරුවිට, අයගම සහ ඇලපාතකළුතර දිස්ත්‍රික්කය: ඉංගිරිය, හොරණ, දොඩන්ගොඩ, මිල්ලනිය, බුලත්සිංහල, මදුරාවල සහ පාලින්දනුවරමෙම ප්‍රදේශවල පදිංචි මහජනතාවගෙන් සහ එම ප්‍රදේශ හරහා ගමන් ගන්නා වාහන පදවන්නන්ගෙන් මේ සම්බන්ධයෙන් දැඩි සැලකිල්ලෙන් කටයුතු කරන ලෙස ඉල්ලා සිටින අතර, අවශ්‍ය පූර්ව ආරක්ෂිත පියවර ගන්නා ලෙස වාරිමාර්ග දෙපාර්තමේන්තුව සහ ආපදා කළමනාකරණ මධ්‍යස්ථානය සඳහන් කරනවා.