ஹெரோயின் போதைப்பொருளுடன் ஒருவர் கைது செய்யப்பட்டுள்ளதாகக் காவல்துறை தெரிவித்துள்ளது.கல்கிஸ்ஸை குற்றப் புலனாய்வுப் பிரிவினரால், கெஸ்பேவ காவல்துறைப் பிரிவுக்குட்பட்ட பகுதியில் முன்னெடுக்கப்பட்ட சுற்றிவளைப்பின்போதே குறித்த சந்தேகநபர் கைது செய்யப்பட்டுள்ளார்.இதன்போது, சுமார் 3 இலட்சத்து 30 ஆயிரம் ரூபாய் பெறுமதியான 11,000 மில்லிகிராம் ஹெரோயின் போதைப்பொருள் கைப்பற்றப்பட்டுள்ளது.கைது செய்யப்பட்டவர், தற்போது வெளிநாட்டில் வசிப்பதாகக் கூறப்படும் பாரிய போதைப்பொருள் கடத்தல்காரரும் ஒழுங்கமைக்கப்பட்ட குற்றச்செயல்களுடன் தொடர்புடையவருமான ‘சூவா சமந்த’ எனப்படும் அதிகாரிகே சமந்த பெரேரா என்பவருடன் தொடர்புடையவர் எனத் தெரிவிக்கப்பட்டுள்ளது.கெஸ்பேவ பகுதியில் போதைப்பொருள் ஒழிப்பு நடவடிக்கையில் ஈடுபட்டிருந்த அதிகாரிகளால், சந்தேகநபர் கைது செய்யப்பட்டுள்ளார்.கைது செய்யப்பட்டவர் 55 வயதுடைய மீரப்பகமகே சந்தன புஷ்பகுமார என அடையாளம் காணப்பட்டுள்ளார்.சந்தேகநபர் மற்றும் கைப்பற்றப்பட்ட போதைப்பொருள் உள்ளிட்ட சான்றுப் பொருட்கள் கெஸ்பேவ காவல் நிலையத்தில் ஒப்படைக்கப்பட்டுள்ளதுடன், சந்தேகநபரை நீதவான் நீதிமன்றத்தில் முன்னிலைப்படுத்த நடவடிக்கை எடுக்கப்பட்டிருந்தது.