අණ නොතකා ධාවනය කළ ත්‍රිරෝද රථයකට කළුතර නාගොඩ ප්‍රදේශයේදී පොලිසිය විසින් වෙඩි තබා තිබෙනවා.වෙඩි වැදීමෙන් තුවාල ලැබූ ත්‍රිරෝද රථයේ රියැදුරු ප්‍රතිකාර සඳහා නාගොඩ ශික්ෂණ රෝහලට ඇතුළත් කර ඇති බවයි පොලිසිය සඳහන් කළේ.කළුතර අපරාධ කොට්ඨාසයේ පොලිස් කණ්ඩායමක් විසින් සිදුකළ සෝදිසි මෙහෙයුමක් අතරතුරදී සැකකටයුතු ත්‍රිරෝද රථයක් නතර කරන්නැයි කළුතර බෝඹුවල ප්‍රදේශයේදී සංඥා කර තිබුණා.නමුත් පොලිස් අණ නොතකා ත්‍රිරෝද රථය නොනවත්වා ධාවනය කර තිබූ අතර පොලිසිය කිලෝමීටර් හතරකට ආසන්න දුරක් එය හඹා ගොස් තිබුණා.එහිදී කළුතර නාගොඩ ප්‍රදේශයේදී වෙඩි තබා ත්‍රීරෝද රථය සමග සැකකරු අත්අඩංගුවට ගැනීමටයි පොලිසිය පියවර ගෙන ඇත්තේ.මෙලෙස තුවාල ලබා ඇත්තේ කළුතර රජවත්ත ප්‍රදේශයේ පදිංචි 'රජවත්ත සංජු' නමැති පුද්ගලයකු වන අතර පසුව ත්‍රිරෝද රථය පරීක්ෂා කිරීමේ දී එහි තිබී මත්ද්‍රව්‍ය සොයාගත් බවයි පොලිසිය සඳහන් කළේ.