ලොව විශාලතම ක්‍රිප්ටෝ මුදල් හුවමාරු වේදිකාව වන බයිනෑන්ස් (Binance) වෙතින් සොරාගන්නා ලද ඩොලර් බිලියන 6.3 ක මුදල නැවත ලබාගැනීම සඳහා අමෙරිකානු රහස් ඔත්තු සේවය විසිහතර පැය පුරා සක්‍රීයව ක්‍රියාත්මක වන බව නිල වශයෙන් නිවේදනය කර තිබෙනවා.මූල්‍ය අපරාධ සම්බන්ධයෙන් සහ අමෙරිකානු මූල්‍ය පද්ධතියේ ආරක්ෂාව වෙනුවෙන් ක්‍රියාකරන ප්‍රධාන ෆෙඩරල් ආයතනය වන්නේ එක්සත් ජනපද රහස් ඔත්තු සේවයයි.විදෙස් මාධ්‍ය සඳහන් කරන්නේ, සොරාගන්නා ලද අරමුදල් හඳුනාගැනීම, අත්හිටුවීම (Freeze), ලුහුබැඳීම (Trace) සහ නැවත ලබාගැනීම සඳහා පුද්ගලික අංශයේ පාර්ශ්වකරුවන් සමඟ එක්ව රහස් ඔත්තු සේවය පැය 24 පුරාම මෙහෙයුම් සිදුකරනු ලබන බවයි.මෙම සයිබර් ප්‍රහාරයට වගකිවයුතු අපරාධකරුවන් හඳුනාගෙන ඔවුන් නීතිය හමුවට පැමිණවීම සඳහා කොලොම්බියා දිස්ත්‍රික්කයේ එක්සත් ජනපද නීතිපති කාර්යාලය සහ අනෙකුත් නීතිය බලගැන්වීමේ ආයතන සමඟ සමීපව කටයුතු කරන බව එම ආයතනය පවසනවා.විමර්ශන කටයුතු තවමත් මුලික අදියරේ පවතින අතර, ඉදිරියේදී සිදුවන ප්‍රගතිය පිළිබඳව අදාළ තොරතුරු ඉදිරිපත් කිරීමට කටයුතු කරන බව අමෙරිකානු රහස් ඔත්තු සේවය වැඩිදුරටත් සඳහන් කරනවා.මූලාශ්‍රය - බීබීසී