කොළඹ මහ නගර සභා බල ප්‍රදේශය තුළ ආහාරවල ගුණාත්මක තත්ත්වය සම්බන්ධයෙන් පැමිණිලි කිරීම සඳහා QR කේත පද්ධතියක් හඳුන්වාදීමට එහි මහජන සෞඛ්‍ය දෙපාර්තමේන්තුව පියවර ගෙන තිබෙනවා.ඒ අනුව කොළඹ මහ නගරසභා බල ප්‍රදේශයේ ඇති සෑම අවන්හලකම අදාළ QR කේතය ප්‍රදර්ශනය කිරීමට පියවර ගන්නා අතර එම පද්ධතිය ස්කෑන් කර එහි ඇති පෝරමය පුරවා පැමිණිලි කළ හැකි වනවා.එය ඍජුවම සෞඛ්‍ය වෛද්‍ය නිලධාරීන්ට සහ මහජන සෞඛ්‍ය පරීක්ෂවරුන් වෙත ලැබෙනු ඇති. ඔවුන් ඒ සම්බන්ධයෙන් අවශ්‍ය පියවර ගනු ඇති බවත් එහිදී පැමිණිලිකරුගේ අනන්‍යතාව අනාවරණ නොවන බවත් කොළඹ මහ නගර සභාව සඳහන් කළා.පැමිණිලි කිරීමෙන් අනතුරුව අදාළ ආහාර අවන්හලට භාර නොදෙන ලෙසත්, බිල ද සුරක්ෂිතව තබා ගන්නා ලෙසත් එම නගර සභාව ජනතාවගෙන් වැඩිදුරටත් ඉල්ලා සිටිනවා.