ඉදිරි පැය කිහිපය තුළ දිස්ත්‍රික්ක 14ක ඇතැම් ප්‍රදේශවලට මිලිමීටර් 100 ඉක්මවූ තද වැසි ඇති විය හැකි බැවින් සැලකිලිමත් වන ලෙස කාලගුණ විද්‍යා දෙපාර්තමේන්තුව ජනතාවට උපදෙස් ලබා දෙනවා.ඒ අනුව කොළඹ, කළුතර සහ ගම්පහ දිස්ත්‍රික්කවල ඇතැම් ප්‍රදේශවලට මිලිමීටර් 100 ඉක්මවූ වැසි අපේක්ෂා කෙරෙනවා.එමෙන්ම කෑගල්ල, රත්නපුර, පුත්තලම, කුරුණෑගල, ගාල්ල, මාතර, මහනුවර, නුවරඑළිය, බදුල්ල, මොණරාගල සහ හම්බන්තොට යන දිස්ත්‍රික්කවලට ද තද වැසි ඇති විය හැකි බවයි එම දෙපාර්තමේන්තුව සඳහන් කරන්නේ.ඒ හේතුවෙන් වැසි තත්ත්වය පිළිබඳ අවධානයෙන් පසුවන ලෙසත්, අවශ්‍ය ආරක්ෂිත පියවර ගන්නා ලෙසත් ජනතාවට දැනුම් දෙනවා.