2027 අයවැය පාර්ලිමේන්තුවට ඉදිරිපත් කිරීමට කැබිනට් අනුමැතිය හිමිව තිබෙනවා.ඒ කැබිනට් මණ්ඩලය අද (12) ජනාධිපති ලේකම් කාර්‍යාලයේදී රැස් වූ අවස්ථාවේදීයි.මුදල් අමාත්‍යවරයා ලෙස ජනාධිපති අනුර කුමාර දිසානායක විසින් අද (12) පස්වරුවේ පාර්ලිමේන්තුවට ඉදිරිපත් කිරීමට නියමිතයි.අයවැය විවාදය අද සිට දෙසැම්බර් 14 වැනිදා දක්වා දින 26 ක් පැවැත්වීමට සැලසුම් කර තිබෙනවා.ඒ අනුව, අයවැය දෙවැනිවර කියවීමේ විවාදය අද සිට 20 වැනිදා දක්වා දින 7ක් පැවැත්වෙන අතර, දෙවැනිවර කියවීමේ ඡන්ද විමසීම එළඹෙන 20 වැනිදා පස්වරුවේ පැවැත්වීමට නියමිතයි.අනතුරුව අයවැය කාරක සභා අවස්ථාවේ විවාදය එළඹෙන 21 වැනිදා සිට දෙසැම්බර් 14 වැනිදා දක්වා සෙනසුරාදා දින හතරක් ද ඇතුළුව දින 19 ක් පැවැත්වෙන අතර තුන්වර කියවීමේ අවසන් ඡන්ද විමසීම දෙසැම්බර් 14 වැනිදා පස්වරුවේ පැවැත්වෙනවා.2027 විසර්ජන පනත් කෙටුම්පත පළමුවර කියවීම සඳහා පාර්ලිමේන්තුවට ඉදිරිපත් කර තිබුණේ පසුගිය ඔක්තෝබර් 7 වැනිදායි.ඒ අනුව, මෙවර රජයේ ඇස්තමේන්තුගත වියදම රුපියල් බිලියන 4982 කට අධිකයි. එය 2026 වසරේ ඇස්තමේන්තුගත වියදමට වඩා රුපියල් බිලියන 558 ක වැඩිවීමක්.මේ අතර මෙම වසරට අදාළ අයවැය යෝජනා ඇතුළත් අවසන් ලේඛනය ජනාධිපති අනුර කුමාර දිසානායක අද ජනාධිපති ලේකම් කාර්යාලයේදී නිරීක්ෂණය කළා.අයවැය සම්බන්ධයෙන් අදහස් දක්වමින් මුදල් හා ක්‍රම සම්පාදන නියෝජ්‍ය අමාත්‍ය අනිල් ජයන්ත ප්‍රකාශ කළේ සහන ලැබිය යුතු කොටස් සඳහා උචිත සහන, මෙවර අයවැයෙන් ලැබෙනු ඇතැයි යන බලාපොරොත්තුව ජනතාවට තබාගත හැකි බවයි.