ජාතික ජන බලවේගයට බලය හිමි බේරුවල නගර සභාවේ අයවැය අද (10) පැවති ඡන්ද විමසීමේදී වැඩි ඡන්ද එකකින් පරාජයට පත්ව තිබෙනවා.බේරුවල නගර සභාවේ සභාපති මොහොමඩ් මාබාසිම් මහතාගේ ප්‍රධානත්වයෙන් නගර සභා ශ්‍රවණාගාරයේදී මාසික රැස්වීම සහ අයවැය විමසීම පැවති අතර, එහිදී විපක්ෂව ඡන්ද 8ක් හිමි වූ අතර, පක්ෂව හිමි වූයේ ඡන්ද 7ක් පමණයි.පළාත් පාලන මැතිවරණයේදී බේරුවල නගර සභාවෙන් ජාතික ජන බලවේගයට හිමිව තිබුණේ සභාපතිවරයා ඇතුළු සභික ධුර 3ක් පමණක් වන අතර, පසුව සභාව පිහිටුවීමේදී සමගි ජන බලවේගයේ මන්ත්‍රීවරුන් 6 දෙනෙකුගේ සහාය ඇතිව සභික ධුර 9කින් නගර සභාවේ බලය පිහිටුවා තිබූ අතර, විපක්ෂයේ ස්වාධීන කණ්ඩායමට සභික ධුර 8ක් හිමිව තිබුණා.කෙසේ වෙතත්, අද පැවති අයවැය ඡන්ද විමසීමේදී මෙතෙක් ජාතික ජන බලවේගයට සහාය දුන් සමගි ජන බලවේගයේ මන්ත්‍රීවරියක අයවැයට විරුද්ධව ඡන්දය ප්‍රකාශ කර ඇති අතර, තවත් මන්ත්‍රීවරයෙකු ඡන්දය ප්‍රකාශ කිරීමෙන් වැළකී සිටීම හේතුවෙන් අයවැය එක් ඡන්දයකින් පරාජයට පත්වුණා.